Ázerbaıjan Qazaqstanmen balyq sharýashylyǵy boıynsha áriptestikti jetildirýge yntaly

ASTANA. QazAqparat - Ekologııa mınıstri Serikqalı Brekeshev Bakýde Ázerbaıjannyń Ekologııa mınıstri Muhtar Babaevpen kezdesti, dep habarlaıdy QazAqparat QR Ekologııa, geologııa jáne tabıǵı resýrstar mınıstrliginiń resmı saıtyna silteme jasap.

Baspasóz qyzmetiniń málimetterine qaraǵanda, eki el mınıstrleri geologııa salasynan bastap, balyq sharýashylyǵyna deıingi yntymaqtastyq máselelerin talqylady.

Eki el vedomstvolarynyń arasyndaǵy áriptestiktiń mańyzdy ekenin aıtqan S.Brekeshev sý salasyna da toqtalyp, Ázirbaıjan tarapynyń bul baǵytta atqaryp otyrǵan jumystaryn tyńdady.

M.Babaev 2030 jylǵa deıin Balyq sharýashylyǵyn damytý týraly QR Úkimetiniń arnaıy baǵdarlamasyn tyńdadady. Osy rette ol balyq sharýashylyǵy boıynsha jemisti jumys istep otyrǵan kásiporyndar týraly aıtyp, Qazaqstan tarapyna odan ári áriptestik ornatý týraly usynys jasady.

Jýyrda ǵana orman sharýashylyǵy boıynsha fın tarapymen kelissóz júrgizgen S.Brekeshev Bakýdegi áriptesin orman forýmyna jáne tabıǵı parkterge ınvestıtsııa tartý maqsatynda, Qazaqstanǵa shaqyrdy.

Atalǵan bastamany qup kórgen M.Babaev paıdaly qazbalardy zertteý boıynsha da yntymaqtastyqtyń jańa deńgeıinde jumys atqaratyndaryna senim bildirdi.

Odan bólek, kezdesý sońynda Brekeshev pen Babaev áriptestik tanytýǵa nıet týraly hattamaǵa qol qoıdy.

Foto: gov.kz