Ázerbaıjan Qazaqstanǵa eksporttyq mıssııa jiberedi

BAKÝ. QazAqparat - 2017 jyly Ázerbaıjan Qazaqstan Respýblıkasyna eksporttyq mıssııa jiberýdi josparlady. Bul týraly «Eksportshylar klýby»  jáne Amerıkalyq saýda palatasynyń kezdesýinde Ázerbaıjan eksportty jáne ınvestıtsııalardy yntalandyrý qorynyń (AZPROMO)  prezıdenti Rýfat Mamedov aıtty, dep habarlady Ázerbaıjandaǵy «QazAqparat» HAA tilshisi.

«Qazaqstanǵa eksporttyq mıssııa osy jylǵy sáýirde jiberiledi. Bıyl biz Germanııaǵa, Aýǵanstanǵa, Pákistanǵa eksporttyq mıssııa uıymdastyrdyq. Sońǵy mıssııanyń qatysýshylary Pákistannan oraldy jáne biz osy sapardan oń nátıje kútip otyrmyz», - dedi R. Mamedov.

  AZPROMO basshysynyń aıtýynsha,  mundaı mıssııalar RF-ǵa. AQSh-qa, Katar men Qytaıǵa da jiberiledi.   

Eske salsaq, 2016 jylǵy qarashadan bastap Ázerbaıjan eksport kólemin ulǵaıtý maqsatynda túrli elderge eksporttyq mıssııa uıymdastyrýdy bastaǵan. Ol kókónis, jemister, mıneraldyq sý, jemis shyryndary, sharap, bal, shaı óndirý salalaryn qamtıdy.