Ázerbaıjan Kaspıı mańy elderine munaıshylardyń denesin izdestirýge kómek surady
23:01, 06 Jeltoqsan 2015
ASTANA. QazAqparat - Ázerbaıjan Kaspıı mańy elderiniń shekara qyzmetine «Gıýneshlı» kenishinde bolǵan oqıǵadan qaza tapqandardyń denesin izdestirýge kómek surady. Bul týraly jeksenbi kúni Ázerbaıjan Memlekettik munaı kompanııasynyń vıtse-prezıdenti Halıg Mamedov baspasóz máslıhaty kezinde málimdedi, dep jazady TASS.
«Memlekettik munaı kompanııasy Qazaqstan, Túrkimenstan, Reseı men Iran shekara qyzmetine apat saldarynan qaza tapqan adamdardyń denesi olardyń aımaǵyna shyǵyp ketken jaǵdaıda qol ushyn sozýdy surady», - dedi ol. Mamedovtiń sózine qaraǵanda, qatty aǵys pen tolqyn adamdardyń denesin basqa jaqqa aǵyzyp alyp ketýi múmkin.
Kompanııanyń vıtse-prezıdenti sonymen birge qazirgi kezde 29 adam iz-tússiz joǵalǵandar qatarynda ekenin aıtty. Olardy izdeýge Memlekettik shekara qyzmetiniń úsh tikushaǵy men TJM 4 tikushaǵy jiberildi. Tótenshe jaǵdaılar mınıstriniń orynbasary Etıbar Mırzoevtyń aıtýyna qaraǵanda, izdeý-qutqarý jumystaryna 15 keme jumyldarylǵan, onyń ekeýi súńgýir.