Ázerbaıjan qaǵaz aqshadan bas tartpaq

BAKÝ. Trend-QazAqparat – Ázerbaıjannyń Ortalyq banki álem elderiniń qaǵaz aqshadan bas tartyp, gıbrıdti sýbstratqa kóshý úderisin jiti baqylap keledi. Memleket qaǵaz aqshadan bas tartý jaǵyn da qarastyrýǵa ázir otyr. Bul týraly «QazAqparat» HAA Trend agenttigine silteme jasap habarlaıdy.

Álemniń biraz elinde aqsha belgileriniń aınalymda júrý merzimin uzartý ári jalǵan aqsha jasaýdan saqtaný maqsatynda polımerli gıbrıdtik materıaldar paıdalanylady. Jańa tehnologııalar qaǵaz ben polımerdiń qospasynan osyndaı materıal jasaýǵa múmkindik berip otyr.

Ázerbaıjan Ortalyq banki de qajet bolǵan jaǵdaıda jańa manat shyǵarý úshin osy materıaldy zertteýge daıyn ekenin málimdedi.

Qazir aınalymda júrgen qaǵaz manattar 100 paıyzdyq maqtadan jasalǵan, al monetalar bolat, mys, latýn, nıkelden soǵylǵan.