Ázerbaıjan Eýropaǵa gaz eksportyn aldaǵy jyldary 10-15 paıyzǵa arttyrmaq

BAKÝ. QazAqparat – Ázerbaıjan birneshe jyldan keıin Eýropadaǵy gaz naryǵynyń úlesin qazirgi 2 paıyzdan 10-15 paıyzǵa deıin arttyrýy múmkin, dep habarlaıdy QazAqparat Trend-ke silteme jasap.

«Balqan elderi men Shyǵys Eýropaǵa Ońtústik gaz dálizi (ıÝGK) arqyly gaz jetkizýdi jedeldetý úshin qubyrlardy keńeıtý jáne ótkizý qabiletin arttyrý maqsatynda osy elderdiń aýmaǵynda ınterkonnektorlar salý qajet. Ol úshin qosymsha qarjy kerek bolady», - dedi rýmyndyq SMARTLINK COMMUNICATIONS kompanııasynyń bas dırektory, sarapshy Radý Magdın.

Ol Ázerbaıjan Eýroodaqtyń REPowerEU josparyn júzege asyrýda erekshe ról atqaratynyn atap ótti.

«2022 jyldyń 18 mamyrynda Eýropalyq komıssııa qabyldaǵan bul jospar reseı gazyna táýeldilikti 40 paıyzǵa azaıtyp, Eýropany energııamen qamtamasyz etýdi ártaraptandyrýdy kózdeıdi. Ázerbaıjan bıyl Eýropaǵa 12 mıllıard tekshe metrge deıin gaz jetkizýdi josparlap otyr. Ońtústik gaz dáliziniń keńeıýi birneshe jyldan keıin Eýropaǵa gaz jetkizýdi jylyna shamamen 20 mıllıard tekshe metrge deıin arttyrýǵa múmkindik beredi», - dedi Radý Magdın.

Foto: trend.az