Ázerbaıjan Eýropa elderine gaz eksportyn 2 esege arttyrmaq

BAKÝ. Ázertadj- QazAqparat – Ázerbaıjan Eýropaǵa gaz eksportyn aıtarlyqtaı arttyrýdy josparlap otyr. Bul týraly Ázerbaıjan prezıdenti Ilham Álıev Ázerbaıjan telearnalaryna bergen suhbatynda aıtty, dep habarlaıdy QazAqparat Ázertadj aqparat agenttigine silteme jasap.

Ilham Álıev álemdegi qazirgi geosaıası jaǵdaı Ázerbaıjan resýrstaryna suranysty kúrt arttyrǵanyn atap ótti.

«Eýropalyq Odaqpen qol qoıylǵan memorandým negizinde biz aldaǵy jyldary Eýropaǵa gaz eksportyn kem degende eki esege ulǵaıtýdy josparlap otyrmyz, ıaǵnı ótken jyly ol 9 mlrd tekshe metr bolsa, 2027 jyly kem degende 18 mlrd tekshe metrdi quraıdy nemese odan da kóp bolýy múmkin», - dep keltiredi aqparat agenttigi Álıevtiń sózin.

Ol respýblıkanyń jańa gaz ken oryndaryn ıgerýge kirisip jatqanyn, jumys istep turǵan ken oryndarynda óndiris kólemi artatynyn aıtty.

«Sonymen qatar, Ázerbaıjanda jańartylatyn energııa kózderin paıdalaný tabıǵı gazdyń úlken qoryn jasaıdy», - dedi I.Álıev.

Foto: azertag.az