Ázerbaıjan esirtkige baılanysty aıyptalǵan Qazaqstan azamatyn ekstradıtsııalady
11:18, 16 Tamyz 2016
ASTANA. QazAqparat - Búgin Bas prokýratýranyń jáne Іshki ister mınıstrliginiń qyzmetkerleri Ázerbaıjannan Qazaqstan Respýblıkasynyń azamaty Arıf Ahmedovti qylmystyq jaýaptylyqqa tartý úshin ekstradıtsııalady.
Vedomstvonyń baspasóz qyzmetiniń habarlaýynsha, ol aldyn ala sóz baılasqan adamdar toby quramynda ótkizý maqsatymen asa iri kólemde esirtki zattaryn satyp alǵany jáne saqtaǵany úshin aıyptalǵan.
A.Ahmedovti berý týraly sheshimdi Qazaqstannyń Bas prokýratýrasynyń suraýy boıynsha bıyl shilde aıynda Ázerbaıjan Respýblıkasynyń Bas prokýratýrasy qabyldady.
Ahmedov Astana qalasynyń tergeý ızolıatoryna qamaýǵa alyndy.