Ázerbaıjan dıplomattary ant berýge mindettelýi múmkin

<p>ASTANA. KAZINFORM &ndash; Ázerbaıjanda dıplomatııalyq organdardyń qyzmetkerlerine qoıylatyn shekteýlerge qatysty ózgeristerdi kózdeıtin &laquo;Dıplomatııalyq qyzmet týraly&raquo; zań jobasy qaralyp jatyr.</p>

Eger zań jobasy qabyldansa, dıplomatııalyq organ qyzmetkerlerine kelesideı tyıymdar salynady:

- saıası partııalarǵa múshe bolýǵa jáne saıası partııalar men dinı uıymdardyń qyzmetine qatysýǵa;

- qosymsha aqy tólenetin saılanbaly nemese taǵaıyndalatyn laýazymdarda jumys isteýge (eńbek zańnamasynda kózdelgen ýaqytsha jumys aýystyrý jaǵdaılaryn qospaǵanda);

- ózderi qyzmet etetin dıplomatııalyq organ basshysynyń ruqsatynsyz oqytýshylyq qyzmetpen aınalysýǵa;

- memlekettik mekemeniń nemese jergilikti ózin-ózi basqarý organynyń máseleleri boıynsha úshinshi tulǵalardyń ókili bolýǵa;

- shetel azamattyǵyn alýǵa nemese shet memlekette ýaqytsha nemese turaqty turýǵa quqyq beretin qujatqa (resmı qyzmetpen baılanysty tirkeýdi (akkredıtteýdi) qospaǵanda) ótinish berýge;

- shet memlekettiń, halyqaralyq nemese ózge de sheteldik uıymdardyń qarajaty esebinen issaparǵa shyǵý jáne is-sharalarǵa qatysýǵa tyıym salynady.

Sonymen qatar turaqty dıplomatııalyq qyzmetke alǵash ret taǵaıyndalǵan azamattar úshin mindetti ant qabyldaý rásimi ótkizilmek. 

Dılomatııalyq organnyń 65 jasqa tolǵan qyzmetkerleriniń qyzmet etý merzimi bes jylǵa deıin, bir retten aspaıtyn merzimge uzartylýy múmkin. Sondaı-aq dıplomattarǵa sheteldiktermen nekege turatyndyǵy týraly aldyn ala habarlaý talap etiledi.

Zań jobasyn usynǵandardyń aıtýynsha, «Dıplomatııalyq qyzmet týraly» zańnyń jańa redaktsııasy Ázerbaıjannyń syrtqy saıası qyzmetiniń tıimdiligin arttyrýǵa jáne halyqaralyq arenada onyń ulttyq múddelerin qorǵaýdy kúsheıtýge baǵyttalǵan.

Eske salsaq, osyǵan deıin Ázerbaıjanda mýnıtsıpaldy saılaýǵa 1500-den astam kandıdat usynylǵany habarlanǵan.