Ázerbaıjan COP29 qarsańynda sanıtarlyq-epıdemıologııalyq baqylaýdy kúsheıtti

<p>ASTANA. KAZINFORM &ndash; Ázerbaıjanda birqatar memlekettik organ ókilderi COP29 halyqaralyq konferentsııasy aıasynda maımyl shesheginiń aldyn alý máselesi boıynsha keńes ótkizdi.</p>

ÁR Densaýlyq saqtaý mınıstrliginiń habarlaýynsha, kezdesýge tsıfrlyq damý jáne kólik mınıstrliginiń, Memlekettik shekara qyzmetiniń, Memlekettik Keden komıtetiniń, mindetti medıtsınalyq saqtandyrý jónindegi memlekettik agenttiktiń, medıtsınalyq aýmaqtyq bólimshelerdi basqarý jónindegi birlestiktiń (TƏBIB), «Ázerbaıjan avıakompanııalary» JAQ jáne Baký halyqaralyq teńiz saýda portynyń ýákiletti ókilderi qatysty.

Taraptar qarasha aıynda ótetin eldegi Klımattyń ózgerýi jónindegi negizdemelik konventsııa (SO29) konferentsııasynyń 29-shy sessııasyn ótkizýge baılanysty tıisti qurylymdardyń birlesken qyzmetin uıymdastyrýǵa baılanysty is-sharalar josparyn egjeı-tegjeıli talqylady.

Jıynǵa qatysýshylar maımyl sheshegi vırýsynyń kóptegen elderde tez taralyp jatqanyn eskere otyryp, respýblıka aýmaǵynda aldyn alý sharalaryn júrgizý qajettigin atap ótti. Spıkerler pikir almasyp, usynystar tyńdaldy.

Densaýlyq saqtaý mınıstrligi Ázerbaıjanda búginge deıin maımyl sheshegi vırýsyn juqtyrýdyń birde-bir jaǵdaıy tirkelmegenin aıtty.

- El aýmaǵynda, ásirese shekaradan ótkizý pýnktterinde qaýipti vırýsty juqtyrýdyń yqtımal jaǵdaılaryna epıdemıologııalyq qadaǵalaý kúsheıtildi. Vedomstvo jaǵdaıdy turaqty baqylaýda ustap otyr, - delingen mınıstrliktiń habarlamasynda.

1 qyrkúıekte Kenııanyń Densaýlyq saqtaý mınıstrligi maımyl sheshegin juqtyrýdyń tórtinshi jaǵdaıyn rastady. Kongo Demokratııalyq Respýblıkasy Afrıka men álemniń birneshe elderine taraǵan aýrýdyń oshaǵy bolyp qala beredi.

Dúnıejúzilik densaýlyq saqtaý uıymy buǵan deıin aýrýdyń taralýyna baılanysty densaýlyq saqtaý salasynda tótenshe jaǵdaı jarııalaǵan bolatyn.