Ázerbaıjan BRIKS-ke kirýge nıet tanytyp otyr

<p>ASTANA. KAZINFORM &ndash; Ázerbaıjan BRIKS-ke tolyqqandy múshe bolǵysy keledi. Bul týraly Sankt-Peterborda ótken H BRIKS Parlamenttik forýmynyń plenarlyq otyrysy barysynda Ázerbaıjan Mıllı Májilisiniń (parlamentiniń) tóraǵasy Sahıba Gafarova málimdedi.&nbsp;</p>

– Ázerbaıjan syrtqy saıasatynda yntymaqtastyqty basty orynǵa qoıady. Bul ásirese ekijaqty qatynastarǵa jáne halyqaralyq platformalardaǵy is-sharalarǵa qatysty. Onyń ishinde BRIKS-pen yntymaqtastyq ta bar. Ázerbaıjan BRIKS-ke qosylýǵa nıetti, - dedi Sahıba Gafarova. 

Onyń pikirinshe, parlamenttik deńgeıdegi yntymaqtastyqty damytý bul maqsatqa qol jetkizýge yqpal etedi. 

Gafarova qos standarttardy boldyrmaý maqsatynda halyqaralyq parlamenttik platformalar aıasynda shynaıy dıalog ornatýdy qoldady. 

– Parlamentter yntymaqtastyqty damytýǵa den qoıýy tıis. Biz, mysaly, Eýroparlamenttegideı qos standarttar alańyna aınalmas úshin shynaıy dıalogty alǵa jyljytýymyz kerek, - dedi ol. 

Parlament spıkeri BRIKS Parlamenttik forýmy tıimdi yntymaqtastyq alańyna aınalatynyna senetinin aıtty. 

BRIKS – bes memleketten turatyn memleketaralyq birlestik. Bul topqa Brazılııa, Reseı, Úndistan, Qytaı jáne Ońtústik Afrıka kiredi. BRIKS músheleri birneshe ret eń jyldam damyp kele jatqan iri elder retinde sıpattaldy. Reseı, Qytaı, Úndistan jáne Brazılııa halyq sany, aýdany jáne jalpy ishki ónimi boıynsha álemdegi eń iri 10 eldiń qataryna kiredi.