Ázerbaıjan Armenııany beıbit kelisimdi júzege asyrý úshin kelissózderdi jandandyrýǵa shaqyrdy

<p>Ázerbaıjannyń Syrtqy ister mınıstrligi Armenııa tarapyn beıbit kelisimdi júzege asyrý úshin kelissózderdi jandandyrýǵa shaqyrdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Ázerbaıjannyń beıbit kelisim jobasy jónindegi usynysyna Armenııanyń eki aıdan keıin jaýap berýi bul protsestiń júzege asýyna aıtarlyqtaı kedergi bolyp otyr. Beıbit kelissózder barysyndaǵy bul kidiris óńirdegi turaqtylyq pen órkendeýge keri áser etedi. Ázerbaıjan beıbit kelisimdi jedel aıaqtaý úshin Armenııamen ekijaqty negizde tikeleı kelissózder júrgizýge daıyn. Biz eki memleket ózderiniń bolashaq qarym-qatynastary týraly sheshimdi birge qabyldaýy kerek dep esepteımiz. Beıbit úderistiń jalǵasýyna eki memleket te jaýapty. Biz armıan tarapyn tıimsiz kidiristerge jol bermeýge shaqyramyz jáne olar bizdiń kelissózderdi jedel túrde qaıta bastaýǵa degen usynysymyzdy qabyl alady degen úmittemiz»,-delingen Ázerbaıjan Respýblıkasy Syrtqy ister mınıstrliginiń habarlamasynda.

Osyǵan deıin Armenııa men Ázerbaıjannyń qarym-qatynasty qalpyna keltirý men beıbitshilikti qalyptastyrý úshin 3 ustanymdy ózara keliskeni habarlanǵan bolatyn.