«Azbýka jılıa» kompanııasynyń túıtkildi nysandarynda qurylys qaıta júrgiziledi

ASTANA. QazAqparat - Ákimdik úleskerlikpen salý máselesin de baqylaýda ustap otyr, dep habarlaıdy qala ákimdiginiń medıa ortalyǵy.

«Qazirgi ýaqytta ákimdik, prokýratýra, ishki ister jáne  memlekettik kirister organdarynyń josparly jumysynyń nátıjesi boıynsha,  turǵyn-úı qurylysyna úleskerlikpen qatysý máseleleri boıynsha vedomstvoaralyq komıssııanyń aıasynda kúrdeli nysandardyń sany tek sońǵy jylda 67-den 52-ge azaıdy», - delingen habarlamada.

Vedomstvoaralyq komıssııanyń músheleri zań aıasynda nysandardyń qurylysyn aıaqtaýǵa septigin tıgizý úshin mámilegerlik júrgizilýde.

Búgingi kúni bul baǵyt boıynsha 44 TQK jumys isteıdi, onyń ishinde TQK-de nysandardy jáne jer ýchaskesin berý jóninde 18 nysan boıynsha sottyń sheshimi bar.  

Vedomstvoaralyq komıssııa atqaryp otyrǵan jumystyń aıasynda 2015-2017 jyldar aralyǵynda 100-den astam nysanda turý úshin baspanany zańsyz paıdalanýǵa berý oqıǵalary anyqtaldy, bul turǵyda baspanany salýshylarǵa qatysty shara qabyldaý úshin quqyqqorǵaý organdaryna aryz berildi.

Atqarylǵan jumystyń nátıjesi boıynsha, 2016-2017 jyldary  25 alaıaq  qurylys salýshyǵa qatysty kásipkerlikpen zańsyz aınalysý jáne alaıaqtyq faktileri boıynsha 22 qylmystyq is qozǵaldy. Qurylys júrgizýshilerdiń aktıvteri qurylysty aıaqtaý úshin úleskerlerge ótti.

«Azbýka jılıa» AQ-nyń 9 kúrdeli nysany boıynsha «Orda Injınırıng» JShS-nyń basqarma kompanııasyna aktıvterdi berý aıaqtaldy. Qazirgi ýaqytta «Orda Injınırıng» JShS turǵyn-úı keshenderiniń qurylysyn qaıta qalpyna keltirdi.

Sot «Tamyz Invest Grýpp», «Tólendi» «Nomad Qurylys-EK» jáne t.b. qurylys kompanııalarynyń basshylaryna qatysty isterdi qarastyrýda.

Qala ákimdiginde Bas prokýratýra, Qurylys isteri jónindegi komıtet, Qurylysshylar qaýymdastyǵy, qalalyq quqyqqorǵaý organdary jáne kepildendirilgen turǵyn-úı qurylys qorynyń ókilderi qatysqan qurylys kompanııasynyń 150 basshysymen kezdesý ótti. Kezdesý barysynda ákimdik pen turǵyn-úı qurylysy qorynyń tarapynan beriletin ruqsat qujattarynsyz salynǵan baspanany paıdalanýǵa berýde týyndaıtyn qylmystyq jaýapkershilik jóninde aıtyldy.

«Turǵyn-úı qurylysyna úleskerlikpen qatysý jóninde» Zańyna sáıkes, baspanany satý jóninde jarnamany úleskerlerdi tartýda ákimdikten ruqsat alǵan nemese kepildendirý qorymen kelisimshart jasasqan  qurylys júrgizgen kompanııa ǵana bere alady.

Búginde 7 kompanııa ruqsat alǵan.