«Azbýka jılıa» kompanııasynan qalǵan birneshe úıdiń qurylysy kelesi jyly aıaqtalady
«Aısanam de lux» turǵyn úı kesheniniń qurylysyn jalǵastyrdyq, kelesi jyldyń qyrkúıek-qazan aılarynda paıdalanýǵa beremiz. «Komfort» jáne «Komsomolskıı» turǵyn úıleriniń qurylysy da osy ýaqytqa deıin aıaqtalady, - dedi S.Ordabaı.
S.Ordabaıdyń aıtýynsha, «Jeti jol» jáne «Garant» turǵyn úı keshenderiniń qurylysy kelesi jyldyń sońyna nemese 2018 jyldyń basyna taman aıaqtalady dep josparlanyp otyr.
«Sadovyı kvartal» turǵyn úı kesheniniń qurylysy eki kezekke bólindi. Birinshi kezegin 2018 jyldyń sońynda, ekinshi kezegin 2019 jyldyń sońynda tapsyramyz», - dedi S.Ordabaı.
Esterińizge sala keteıik, 2016 jyldyń mamyr aıynda Avstrııanyń quqyq qorǵaý organdarymen birlesken jedel izdestirý sharalary barysynda senip tapsyrylǵan múlikti ıemdenýi jáne talan-tarajǵa salǵany úshin Qazaqstan ІІM Interpol Ulttyq ortalyq bıýrosy halyqaralyq izdeý jarııalaǵan Erqanat Taıjanov ustalǵan bolatyn. Taıjanov 2012-2015 jyldary aralyǵynda «Azbýka jılıa» kompanııalar tobynyń naqty ıesi bola turyp, úleskerlerdiń 40 mlrd. teńgeden astam qarjysyn qasaqana ári zańsyz ıemdengen. Qazirgi ýaqytta ustalǵandy Qazaqstan Respýblıkasyna ekstradıtsııalaý máselesi sheshilý ústinde. Aıta keteıik, «Azbýka jılıa» qurylys kompanııalary tobynyń basshylarynan «Aısanam», «Aısanam de lıýks», «Komsomolskıı», «ExpoCity», «ExpoTown», «Komfort», «Garant», «Jeti Jol», «Sadovye kvartaly» jáne «Dınastııa» turǵyn úı keshenderiniń úleskerleri zardap shekti. Búgin «ORDA ınjınırıng» «Azbýka jılıa» kompanııasynan qalǵan nysandardyń qurylysyn aıaqtaý mindetin óz moıynyna aldy.