Azat Teńgebaev: Búgingi joldaý - jańa Qazaqstandy qurýdaǵy eń úlken betburys

ALMATY. QazAqparat - Qazaqstan stýdentteri alıansynyń atqarýshy dırektory Azat Teńgebaev Prezıdent Qasym-Jomart Toqaevtyń Qazaqstan halqyna jańa Joldaýynda aıtqan saıası reformalarǵa qatysty pikir bildirdi, dep habarlaıdy QazAqparat tilshisi.

«Memleket basshysynyń «Qaıǵyly qańtardan» keıingi Qazaqstan halqyna Joldaýy jańa serpin men senim berdi. Bul Joldaý - Jańa Qazaqstandy qurýdaǵy eń úlken betburys. Ekonomıkalyq jáne saıası ózgeristermen qatar elimizdiń ákimshilik-aýmaqtyq qurylymynda da birqatar jańashyldyqtar bolmaq. Jańa Qazaqstandy qurýda elimizdiń daryndy da eńbekqor jastarynyń mártebesi jańa deńgeıge kóterildi»,- deıdi Azat Teńgebaev.

Sonymen qatar, ol depýtattar sany qysqaryp, sanǵa emes, sapa mán beriletinin tilge tıek etti.

«Prezıdenttiń ókilettigi qysqaryp, Parlamentke basymdyq beriledi. Bul - damyǵan elderdiń tájirıbesi. Depýtattar sany qysqaryp, sanǵa emes, sapalyq quramǵa mán beriledi. Saılaý júıesinde de eleýli ózgerister bolady, partııa uıymdaryn tirkeý protsesi qysqarady. Elde ulttyq keńestiń ornyna quryltaı qurylady. Jergilikti ózin-ózi basqarý júıesi qaıta qurylyp, jergilikti máslıhattardyń róli kúsheıedi. Joldaýda bári aıtyldy, endi ony sátti júzege asyrý kerek. Jańa Qazaqstan úshin. Jańa bastamalar úshin biz birgemiz», - deıdi Qazaqstan stýdentteri alıansynyń atqarýshy dırektory Azat Teńgebaev.