Azat Perýashev Eýropalyq Odaqtyń Qazaqstandaǵy elshisimen kezdesti

NUR-SULTAN. QazAqparat – «Aq jol» partııasynyń tóraǵasy Azat Perýashev pen Parlament májilisi depýtattyǵynan úmitker Danııa Espaeva Eýropalyq Odaqtyń Qazaqstandaǵy elshisi Sven-Olov Karlssonmen kezdesti. Bul týraly QazAqparat partııanyń baspasóz qyzmetine silteme jasap habarlaıdy.

Taraptar «Aq jol» partııasynyń saılaýaldy kompanııasy barysyndaǵy qyzmeti, saılaý barysyn baqylaý jáne jalpylaı alǵanda «Aq jol» partııasy men Eýropalyq Odaqtyń Qazaqsandaǵy ókildigi arasyndaǵy áriptestik máselelerin talqylady.

Kezdesý barysynda Azat Perýashev Eýropalyq Odaqtyń elshisin partııanyń saılaýaldy baǵdarlamasynyń negizgi baǵyttarymen tanystyrdy, partııany qoldaý jónindegi jáne saılaý barysyn baqylaýdy uıymdastyrý jónindegi suraqtarǵa jaýap berdi.

Sonymen qatar, «Aq jol» partııasynyń kandıdattary Shymkent qalasyndaǵy «Medıker» medıtsınalyq birlestigi ujymymen kezdesti. Kezdesýge medıtsınalyq mekemeniń dárigerleri, qala jastary, partııa músheleri men kásipkerler qatysty.