«Azat Eýropa» radıosy taraıtyn elder tsenzýrasyz aqparatpen qamtamasyz etilgen - konferentsııa

ASTANA. 26 qarasha. QazAqparat /Aıdar Ospanalıev/ - «Chehııadaǵy «Azat Eýropa» radıosy Eýropadaǵy qaýipsizdik jáne yntymaqtastyq uıymyna múshe 17 memleketke taraıdy. Biz eshqandaı tsenzýrasyz aqparattardy sóz bostandyǵyna shekteý qoıylǵan elderdiń ózine de taratamyz.

Bizdiń radıonyń osy elderge taraýy osy memleketterdegi jergilikti memlekettik aqparat quraldarynyń bastamalaryna tejeý bolýda», - dedi atalmysh radıoarnanyń ókili búgin Astanada ótip jatqan EQYU Sammıtiniń Sholý konferentsııasynda.

Onyń sózine qaraǵanda, «Azat Eýropa» ózi taraıtyn elderdegi jýrnalısterdiń jaǵdaıyna, sóz bostandyǵyna alańdaıdy jáne tilshilerdiń ómirine zardabyn tıgizgenderdi izdep, taýyp jazalaǵan elderdi qoldaıdy. «Biz qandaı da bir qýdalaýǵa ushyraǵan jýrnalısterdiń taǵdyryna qashanda alańdaýlymyz», - dedi radıo ókili.

Onyń aıtýynsha, «Azat Eýropa» radıosyn taratatyn ujymdarǵa yqpal etý áreketteriniń arasynda, ásirese saıası turǵyda qorqytyp-úrkitý jaǵdaılary kóp oryn alady. «Reseıde 2004 jyly bizdiń radıony 30 arna taratqan bolsa, búginde olardyń sany nebári úsheý», dedi radıo ókili.