Azaptaýlardy tekserýdiń qazaqstandyq ádisin ázirleý qajet - Merkel

ASTANA. QazAqparat - Azaptaýlardy tekserýdiń qazaqstandyq ádisin ázirleý qajet. Mundaı usynysty búgin 4-shi túrme reformasy forýmy barysynda QR Bas prokýrorynyń birinshi orynbasary Iogan Merkel jasady, dep habarlaıdy QazAqparat.

«Ystanbul hattamasy negizinde jaýapty zańnamaǵa beıimdelgen azaptaýlardy tekserýdiń menshikti ádistemesin ázirleý qajet. Sonymen qatar oqý kýrsyn ázirlep, ony zańgerler men tergeýshiler úshin barlyq bilim berý mekemelerinde mindetti qylyp engizgen jón», - dep atap óti Merkel.

Sonymen qatar ol QR Bas prokýratýrasy Quqyq qorǵaý organdyryń akademııasy bazasynda kezeń-kezeńimen barlyq laýazymdy tulǵalardy qamtı otyryp,  oqytý semınarlaryn ótkizý qajettigin basa aıtty.

«ІІM men Memlekettik qyzmet isteri jáne jemqorlyqqa qarsy is-qımyl agenttigi úshin azaptaý týraly shaǵymdary tergeý kisi óltirý, zorlaý, qaraqshylyq jáne basqa da aýyr qylmystarmen birdeı basymdyqta bolýy tıis dep belgileý qajet», - dedi ol.

Aıta keterligi, Bas prokýrordyń birinshi orynbasary forým barysynda «Azaptaýsyz qoǵamǵa qaraı» jobasynyń tujyrymdamasyn tanystyrǵan bolatyn. Tujyrymdamaǵa sáıkes azaptaý qylmysqa  jatqyzylyp, azaptaý qurbandaryna ótemaqy tóleý qolǵa alynady. Qylmystyq jazalardy oryndaý kezinde sottalǵandardyń quqyqtaryna kepildik beriledi. Májbúrlep jer aýdarýǵa tyıym salynady.