Azaptaý deregimen 327 qylmystyq is tergelýde– qańtar oqıǵasy

ASTANA. QazAqparat – Qańtar oqıǵasyna qatysýshylardy azaptaý deregimen 327 qylmystyq is tergelip jatyr. Bul týraly QR Bas prokýratýrasy Arnaıy prokýrorlar qyzmetiniń basshysy Rızabek Ojarov aıtty, dep habarlaıdy QazAqparat tilshisi.

«Qańtar oqıǵa kezinde azaptaý deregi boıynsha 327 qylmystyq is tergelýde. Onyń ishinde 31 qyzmetker qylmystyq jaýapqa tartyldy. Memleket basshysynyń tapsyrmasyna sáıkes, biz, arnaıy prokýrorlar birneshe isti aıaqtadyq. Olar sotqa joldanǵan», - dedi ol Bas prokýratýranyń bıylǵy jumysyn qorytyndylaýǵa arnalǵan baspasóz máslıhatynda BAQ ókilderiniń saýalyna oraı.

Sonymen qatar ol 31 qyzmetkerdiń qandaı vedomstvolarda jumys isteıtindigin atady.

«Olar Ulttyq qaýipsizdik komıteti men Іshki ister mınıstrliginiń qyzmetkerleri. ıAǵnı, qazir 2 vedomstvonyń qyzmetkerleri jaýapqa tartylyp jatyr», - dedi Rızabek Ojarov.