Azamattyq qorǵaý akademııasyna 79 mlrd teńgege jańa keshen salynady

ASTANA. QazAqparat – Málik Ǵabdýllın atyndaǵy Azamattyq qorǵaý akademııasyna jańa keshen salynady. Bul týraly Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Tótenshe jaǵdaılar mınıstrligi 2023-2027 jyldarǵa arnalǵan azamattyq qorǵaý salasyndaǵy birinshi kezektegi is-sharalardyń keshendi josparynyń jobasy ázirledi. Onyń aıasynda jalpy somasy 79 mlrd teńgege akademııanyń jańa keshenin salý kózdelgen. Keshendi jospardyń jobasy Respýblıkalyq bıýdjet komıssııasynyń 2023 jylǵy 18 sáýirdegi №8 sheshimimen qoldaý tapty. Qazirgi ýaqytta TJM akademııanyń jańa keshenin salýǵa tıisti ınvestıtsııalyq usynys ázirledi. Sonymen qatar, Kókshetaý qalasynyń ákimdigi qurylys úshin aýdany 8,7 ga jer ýchaskesin belgiledi», - delingen Úkimet basshysynyń jaýabynda.

Onyń atap ótýinshe, akademııanyń materıaldyq-tehnıkalyq bazasyn nyǵaıtý maqsatynda keshendi jospar jobasymen jalpy somasy 897 mln teńge qarajat bólý kózdelgen. Bul qarajatqa ǵımarattarǵa, qurylystarǵa aǵymdaǵy jóndeý júrgizý jáne qajetti jabdyqtardy satyp alý josparlanǵan.