Azamattyq qorǵanys kúni: Almatylyq oqýshylar qutqarýshylardyń jumysymen tanysty

ALMATY. QazAqparat – 1 naýryz – dúnıejúzilik azamattyq qorǵanys kúni. Osyǵan oraı Almaty qalalyq TJD qutqarýshylary mektep oqýshylaryn óz mamandyǵymen tanystyrdy, dep habarlaıdy QazAqparat tilshisi.

Dúnıejúzilik azamattyq qorǵanys kúni jyl saıyn jańa uranmen ótedi.

Bıy almatylyq qutqarýshylar Dúnıejúzilik azamattyq qorǵanys kúnin tehnıkany kórsetýmen atap ótti.

Almaty qalasy tótenshe jaǵdaılar departamenti «Almaty qalasynyń qutqarý qyzmeti» jáne QR TJM bólimshelerimen birge «Qutqarýshylar» alleıasynda Dúnıejúzilik Azamattyq qorǵanys kúnin merekeleý sheńberinde órt sóndirý bólimsheleri 20 birlikten astam órt-tehnıkalyq múligi men jabdyǵyn jáne avarııalyq-qutqarý tehnıkasynyń tájirıbelik kórsetilimin uıymdastyrdy.

Almaty qalasynyń turǵyndary men oqaýshylaryna azamattyq qorǵaý organdarynyń tótenshe jaǵdaılardy joıý boıynsha mindetterdi oryndaý kezinde qoldanylatyn qazirgi zamanǵy órt sóndirý jáne arnaıy tehnıkasyn kórsetti.

Qyzyǵýshylyq tanytqandarǵa órt sóndirý kóligine otyrýǵa, avarııalyq-qutqarý qural- jabdyqtaryn kórýge, jyldam áreket etetin mototsıkl ekpıpajdarynyń taktıkalyq-tehnıkalyq sıpattamalaryn bilýge, tipti estelik sýretke túsýge múmkindik berildi.

Órt sóndirýshiler, qutqarýshylar barlyq kelýshilerge tehnıkanyń múmkindikteri týraly aıtyp berdi.

Kelgen qonaqtardyń 18 qabatty úı sekildi bıiktikten adamdardy qutqara alatyn órt sóndri kópıindi satysyna minip qalany joǵarydan kórýge múmkindik berildi.

Sonymen qatar halyqqa jáne oqushylarǵa jyljymaly platformadaǵy erekshe trenajer – jer silkinisteriniń sımýlıatory usynyldy.

Qutqarýshylar tótenshe jaǵdaılar kezindegi qaýipsizdik sabaǵyn ótkizdi: onda 5 balǵa deıingi kóldeneń jáne tikshil kelgen jer dúmpýlerin qoldan jasaıtyn trenajerdi kórsetti.

Ári qaraı oqýshylar arasynda sporttyq saıystar ótkizildi (jyldamdyqqa arnalǵan órt sóndirýshilerdiń kıim-keshegin kııý, arqan tartý, beltemirge tartylý, qyrly trenajerda jattyǵýlar);

Eske salaıyq, Halyqaralyq azamattyq qorǵanys uıymy (HAQU) Bas Assambleıasynyń sheshimimen 1990 jyldan bastap 1 naýryzdy Dúnıejúzilik Azamattyq qorǵanys kúni etip bekitti.

Qazaqstan Respýblıkasy 1996 jyly HAQU músheligine kirip, halyqty, aýmaqty jáne sharýashylyq júrgizý obektilerdi tabıǵı jáne tehnogendik sıpattaǵy tótenshe jaǵdaılardan qorǵaý máselelerin sheshý boıynsha halyqaralyq deńgeıde belsendi yntymaqtastyqty júzege asyrady.