Azamattyq qoǵamnyń bastamalaryn júzege asyrýǵa múmkindik beretin memlekettik nemese qoǵamdyq qor qurý qajet - IV Azamattyq forým

sp;ASTANA. Qarashanyń 24-i. QazAqparat /Aıdar Ospanalıev/ - «Elimizde azamattyq qoǵamnyń bastamalaryn júzege asyrýǵa múmkindik beretin memlekettik nemese qoǵamdyq qor qurý qajet.

Bul týraly búgin Astanada ótip jatqan IV Azamattyq forým barysynda Memlekettik hatshy - Syrtqy ister mınıstri Qanat Saýdabaev málim etti, dep habarlaıdy QazAqparat.

 Memlekettik hatshynyń aıtýynsha, atalmysh qor memleket pen jeke sektordyń áriptestik qatynastaryn júzege asyratyn organ jáne memlekettik áleýmettik tapsyrystardyń biryńǵaı operatory bolýy qajet. «Al úkimetttik emes uıymdardyń grant negizinde qarjylandyrylýy tıis jobalaryn qaraý sharasy Azamattyq alıans pen Parlament depýtattarynyń, saıası partııalar men qoǵamdyq uıym ókilderiniń qatysýymen júzege asyrylǵany  jón bolar edi. Qarjylandyrý jumystary elimizdiń úsh jyldyq bıýdjet jobasy negizinde uzaq merzimge baǵyttalǵany tıimdi», dedi Q.Saýdabaev.