Azamattyq qoǵam ókilderi kezekten tys Prezıdenttik saılaýda Elbasy kandıdatýrasyn qoldaıdy
16:38, 18 Aqpan 2011
ANA. 18 aqpan. QazAqparat /Marlan Jıembaı/ - Búgin QazAqparat agenttiginiń baspasóz ortalyǵynda BAQ ókilderine máslıhat ótkizgen elimizdiń birqatar úkimettik emes uıymdarynyń jetekshileri kezekten tys Prezıdenttik saılaýda Elbasy Nursultan Nazarbaevtyń kandıdatýrasyn qoldaıtyndyqtaryn bildirdi.
«Biz Nursultan Nazarbaevtyń kandıdatýrasyn qoldaımyz. Óıtkeni táýelsizdiktiń alǵashqy kúninen beri Prezıdent úkimettik emes sektorǵa zor kóńil bólip keledi. Elbasynyń barlyq bastamalary elimizde ótken 4 azamattyq forým barysynda ázirlengen tetikter men quraldar boıynsha azamattyq qoǵamnyń jumys isteýine negizdelgen», - dedi Qazaqstannyń azamattyq alıansynyń tóraǵasy, Májilis depýtaty Aıgúl Soloveva.
Baspasóz máslıhaty barysynda azamattyq sektor ókilderi aldaǵy saılaýda Memleket basshysynyń kandıdatýrasyn qoldaıtyn qazaqstandyqtar qatarynan tabylatyndyǵyn málimdedi. Sondaı-aq olar Elbasy bastamalaryn júzege asyrýda barlyq azamattardyń belsendilik tanytýy qajettigin atap ótti.