Azamattyq bastamalardy iske asyrý úshin aýyldyq jerlerden usynystar jınalady
«Qazaqstan Respýblıkasy Prezıdenti Qasym-Jomart Toqaevtyń Joldaýyn júzege asyrý aıasynda Aqparat jáne qoǵamdyq damý mınıstrliginde granttyq qarjylandyrý júıesin jeńildetý arqyly aýyldaǵy azamattyq bastamalardy qoldaý tetigi ázirlenip jatyr. Onyń qorytyndysy boıynsha aýyldardaǵy ÚEU aýylda áleýmettik belsendilikti jandandyrý úshin jaqsy serpin alady», - dep habarlady vıtse-mınıstr.
Azamattyq bastamalardy qoldaý ortalyǵynyń basqarma tóraǵasy Lıma Dıas aýyldardaǵy bastamalardy qoldaý salasyndaǵy ortalyqtyń qyzmeti týraly aıtyp berdi.
Máselen, 2020 jyly ortalyq jelisi boıynsha 14 óńirde aýyldyq bastamalardy qoldaý jónindegi joba iske asyrylǵan.
Onyń sheńberinde óńirlik ÚEU atynan 14 operator aıqyndalyp, aýyldyq ÚEU men bastamashyl toptar úshin áleýmettik ıdeıalar men jobalardy iske asyrý úshin 500 myń teńgeden 140 shaǵyn grant usynylǵan.
«Bıyl aýyldarda 44 mıllıon teńge somasyna 92 shaǵyn grant iske asyrylyp jatyr. Mysaly, «Aqtóbe oblysynyń ÚEU Qaýymdastyǵy» ZTB iske asyratyn aýyldaǵy azamattyq bastamalardy damytýǵa baǵyttalǵan is-sharalar keshenin uıymdastyrý» jobasy boıynsha respýblıkamyzdyń 13 óńirinde 500 myń teńgeden 60 shaǵyn grant oınatyldy», – dep atap ótti L.Dıas.
«Aqtóbe oblysynyń úkimettik emes uıymdar qaýymdastyǵy» ZTB tóraǵasy Aıgúl Dúısenova aýyl turǵyndary men aýyldyq ÚEU úshin jergilikti jerlerde jumys isteýdiń mańyzyn atap ótti.
Sonyń arqasynda olar óz bastamalaryna ortalyqtan bilikti kómek pen qoldaýǵa ıe bolǵan.
Pikirtalas alańynyń jumysyna qatysatyn aýyldyq ÚEU ókilderi men bastamashyl toptardyń músheleri aýyldaǵy azamattyq bastamalardy qoldaýdyń ázirlenip jatqan jańa tetigi aýyldarjaǵy ÚEU-ny damytýǵa kómektesetinine senim bildirdi.
Іs-sharanyń qorytyndysy boıynsha Aqtóbe oblysynyń úkimettik emes uıymdar qaýymdastyǵy Azamattyq bastamalardy qoldaý ortalyǵymen birlesip, jergilikti jerlerde azamattyq bastamalardy qoldaý tetigin odan ári jetildirý jóninde aýyldardaǵy ÚEU men bastamashyl toptardyń ókilderinen usynystardy jınaıtyn boldy.