Azamattyq avıatsııa salasynda jolaýshylar aǵyny 38 paıyzǵa tómendedi

NUR-SULTAN. QazAqparat - Bıyl Túrkistan qalasynyń jańa halyqaralyq áýejaıy paıdalanýǵa beriledi. Bul týraly QR Indýstrııa jáne ınfraqurylymdyq damý mınıstrligi Avtomobıl joldary komıtetiniń tóraǵasy Saıranbek Barmaqov aıtty, dep habarlaıdy QazAqparat tilshisi.

«Azamattyq avıatsııa salasynda 2020 jyly qańtar-maýsym kezeńinde jolaýshylar aǵynynyń kórsetkishi 2,3 mln adamdy qurady. Bul ótken jyldyń sáıkes kezeńindegi kórsetkishten 38 paıyzǵa az. Bul kórsetkish koronavırýs indetiniń taralýyn azaıtý boıynsha engizilgen shekteýlerge baılanysty tómendep otyr», - dedi komıtet tóraǵasy Ortalyq kommýnıkatsııalar qyzmetindegi baspasóz máslıhatynda.

Onyń dereginshe, bıyl Túrkistan qalasynda jańa halyqaralyq áýejaı iske qosylady dep josparlanǵan. Al Óskemen qalasy áýejaıynyń ushý-qoný jolaǵyn qaıta jańartý bastaldy. Sondaı-aq, Shymkent qalasyndaǵy áýejaıdyń jańa termınalynyń qurylysy jáne Oral qalasy áýejaıynyń aerovokzal keshenin qaıta jańartý jalǵasady.

«Іshki týrızmdi damytý aıasynda qarjy bólingen jaǵdaıda Úrjar jáne Úsharal qalalaryndaǵy áýejaıdyń ushý-qoný jolaqtaryn qaıta jańartý bastalady», - dedi Saıranbek Barmaqov.