Azamattyq avıatsııa salasynda sertıfıkattar berý kezindegi alymdar joıylady

ASTANA. QazAqparat – Salyq zańnamasynda kólik júıesin odan ári damytý qadamdaryn engiziledi. Bul týraly Májilistiń jalpy otyrysynda salyq máselesine arnalǵan zań jobasyn talqylaý kezinde QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

«Túzetýlerdiń kelesi blogy kólik júıesin odan ári damytý qadamdaryn eskerip otyr. Temirjol kóligi salasynda nóldik tarıfti qoldana otyryp, jolaýshylar tasymaldaýshylaryna magıstraldyq temirjol jelisi qyzmetterin kórsetý kezinde salyq salý máselelerin retteý kózdelgen», - dedi Á. Qýantyrov.

Budan bólek ol azamattyq avıatsııa salasynda sertıfıkattar bergeni úshin alymdardy alyp tastaý boıynsha normalar engiziletinin, óıtkeni qyzmetterdi ózin-ózi qarjylandyratyn uıym kórsetetinin aıtty.

«Sonymen qatar, tranzıttik áýe kemelerine janarmaı quıý kezinde qosylǵan qun salyǵynyń nóldik mólsherlemesin qoldanýdy keńeıtý usynylady. Qazir jeńildikti tek áýejaılar qoldana alady», - dedi mınıstr.

Munymen qosa vedomstvo basshysy avtomobıl tasymaldaryn damytý úshin shyǵarylǵan jyly 7 jyldan aspaıtyn tirkemesi bar júk kólikterin bastapqy tirkeý úshin alymnan bosatý usynylatynyn jetkizdi.

Atap aıtqanda, búgin palata depýtattary «Salyq jáne bıýdjetke tólenetin basqa da mindetti tólemder týraly» Kodeksine jáne «Salyq jáne bıýdjetke tólenetin basqa da mindetti tólemder týraly» Kodeksin qoldanysqa engizý týraly» Zańyna ózgerister men tolyqtyrýlar engizý týraly» zań jobasyn birinshi oqylymda qarap jatyr. Qujat Úkimettiń zań jobalaý jumystarynyń josparyna sáıkes jáne Memleket basshysynyń tapsyrmalaryn iske asyrý úshin ázirlendi.

Foto: primeminister.kz