Azamattyq almaǵan qandastarǵa «oralman» mártebesin uzartý jyl sońyna deıin jalǵasady

NUR-SULTAN. QazAqparat - «Otandastar qory» men Dúnıejúzilik qazaqtar qaýymdastyǵy «oralman» mártebesin uzartýdyń jeńildetilgen tártibi boıynsha ýaqyty ótken kýálikterge qatysty aktsııa júrip jatqanyn eske salady. Bul týraly QazAqparat «Otandastar qory» baspasóz qyzmetine silteme jasap habarlaıdy.

«2018 jyldyń 16 naýryzynda tarıhı otanyna kelgen, biraq azamattyq alýǵa úlgermegen «oralman» mártebesin uzartý aktsııasy bastalǵan bolatyn. Oralmandarǵa qazaqstandyq azamattyqty ońaılatylǵan tártippen alý quqyǵy berilgen. Oralman mártebesi ony alǵan kúnnen bastap bir jyl ótkennen keıin toqtatylady.Bul rette azamattyq alýdy úlgermegen etnıkalyq qazaqtarǵa aktsııa sheńberinde «oralman» mártebesi 2019 jylǵy 31 jeltoqsanǵa deıin uzartyldy. Mártebe merzimi ótip ketken oralmandar óz oblysynyń nemese Respýblıkalyq mańyzy bar qalanyń jumyspen qamtýdy úılestirý jáne áleýmettik baǵdarlamalar basqarmasyna ony uzartý jáne qazaqstandyq azamattyǵyn alý úshin ishki ister organdaryna qujattardy ońaılatylǵan tártippen berý úshin júgine alady», - delingen baspasóz baıanynda.

Aıta keterligi, aktsııanyń ýaqyty shekteýli. Sondaı-aq, sapaly qyzmet kórsetý maqsatynda atalǵan másele boıynsha ótinishtiń kóshirmesin keıinnen baqylaý úshin turǵylyqty jer boıynsha Dúnıejúzilik qazaqtar qaýymdastyǵy fılıaldaryna jiberý suralady.

Qosymsha aqparatty myna telefondar boıynsha baılanys ortalyǵynan alýǵa bolady:

• 1404 (Barlyq qazaqstandyq mobıldi operatorlarǵa qońyraý shalý tegin júzege asyrylady)
• 8 800 080 14 04 (Qazaqstan boıynsha qalalyq nómirlerden qońyraý shalý tegin júzege asyrylady)
• [phone] (qońyraýlar qalalyq nómirlerden Qazaqstan boıynsha tegin júzege asyrylady, shetelden sheteldik baılanys operatorynyń tarıfi boıynsha)
• [phone] (WhatsApp pen Telegram habarlamalary úshin)
• E-mail: [e-mail]
• Skype: [e-mail]

Sondaı-aq, aımaqtardaǵy Dúnıejúzi qazaqtary qaýymdastyǵynyń fılıaldaryna habarlasýǵa bolady.