Azamattyq qoǵam tujyrymdamasyn jasaýǵa ár azamat úles qosa alady

<p>ASTANA. KAZINFORM — Azamattyq qoǵamdy damytýdyń jańa tujyrymdamasy ázirlenbek.</p>

Mádenıet jáne aqparat mınıstrligi azamattyq qoǵamdy damytý tujyrymdamasyna ózgerister men tolyqtyrýlar engizý boıynsha belsendi jumys júrgizip jatyr.

Atalǵan jumystyń maqsaty — memleket pen azamattyq sektor arasynda berik qoǵamdyq kelisim ornatý.

Bul jumysqa sarapshylar men ÚEU ókilderi qatysady.

Olar tujyrymdamanyń birinshi kezeńinde jasalǵan jumysty taldap, halyqaralyq tájirıbeni saraptaıdy jáne áleýmettik zertteýler júrgizedi.

Mınıstrlik osy jyldyń tamyzynan bastap, azamattyq sektordyń negizgi segmentteri boıynsha zertteýler uıymdastyrady.

Qyrkúıek jáne qazan aralyǵynda el óńirlerinde jarııa talqylaý uıymdastyrý josparlanǵan.

Sondaı-aq Qazaqstandyq qoǵamdyq damý ınstıtýty sarapshylar men ÚEU ókilderimen suhbat júrgizip, jappaı saýalnama jasalady.

Azamattyq qoǵamdy damytý boıynsha barlyq usynystar 2024 jylǵy qazan aıynyń sońyna deıin tómendegi elektrondy poshtaǵa qabyldanady: [e-mail], [e-mail].