Azamattyq qoǵam demokratııany damytýda sheshýshi ról atqarady — Bıbigúl Jeksenbaı

<p>QR Parlamenti Senatynyń depýtaty Bıbigúl Jeksenbaı elimizde azamattyq qoǵam qalaı damyp jatqanyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>. </p>

«Azamattyq qoǵamnyń belsendiligi — adamı kapıtaldyń, ekonomıkalyq qundylyqtardyń el ıgiliginiń negizi. Azamattyq qoǵam men Parlamenttiń ózara is-qımyly demokratııany damytýda sheshýshi ról atqarady. Kóptegen elderde azamattyq qoǵam sonyń ishinde úkimettik emes uıymdar, qoǵam belsendileri sarapshylar zań shyǵarý protsesine belsene qatysady. Bizdiń elimizde de alǵashqy qadam jasalyp jatyr. Parlament depýtattarynyń toptarynda joǵaryda atalǵandar belsendi jumys istep júr», — dedi Bıbigúl Jeksenbaı «Azamattyq qoǵam men parlamentshilerdiń zań shyǵarý salasyndaǵy yntymaqtastyq formattary týraly dıalogy» atty dóńgelek ústelde.

Senatordyń aıtýynsha, azamattyq qoǵam Parlament jumysyna qoldaý kórsetip keledi.

«Mundaı ózara árekettestik qoǵamnyń múddesin kórsetetip qana qoımaı, onyń damýyna áser etedi jáne tıimdi zańnama jasaýǵa múmkindik beredi. Azamattyq qoǵam eshqashan birden ornamaǵan. Biz totalıtarlyq qoǵamnan naryqtyq qoǵamǵa óttik», — deıdi halyq qalaýlysy.

Elordada «Azamattyq qoǵam men parlamentshilerdiń zań shyǵarý salasyndaǵy yntymaqtastyq formattary týraly dıalogy» atty dóńgelek ústel ótip jatyr.