Azamattyq avıatsııa komıteti keshiktirilip jatqan reısterge qatysty túsinikteme berdi

<p>ASTANA. KAZINFORM - Azamattyq avıatsııa komıteti elorda jáne Almaty áýejaıynan ushýy keshiktirilip jatqan eki reıske qatysty túsinikteme berdi.&nbsp;</p>

"20 aqpanda "Vietjet" áýe kompanııasynyń VJ 062 reısi "Almaty–Kamran" baǵyty boıynsha kestege saı saǵat 02:05-te ushýy tıis bolatyn. Reıstiń ushýy aǵymdaǵy táýliktegi saǵat 23:00-ge aýysty. QR qoldanystaǵy zańnamasyna sáıkes, barlyq jolaýshylar qonaq úıge ornalastyrylǵan, olarǵa sýsyndar, ystyq tamaq berilýde" delingen habarlamada.

Sondaı-aq, Azamattyq avıatsııa komıteti kesheden beri ushýy shegerilip kele jatqan "Astana-Dýbaı" reısine qatysty da túsindirme berdi.

"Fly Dubai" áýekompanııasynyń "Astana-Dýbaı" baǵyty boıynsha 19 aqpandaǵy FZ 1304 reısi bastapqyda 19 aqpandaǵy saǵat 05:05-ke aýystyrylǵan bolatyn, alaıda tehnıkalyq aqaý sebebinen reıs búgin saǵat 21:30-ǵa deıin keshiktiriledi. Jolaýshylar qonaq úıge ornalastyrylady, QR qoldanystaǵy zańnamasyna sáıkes sýsyndar, ystyq tamaq berilýde. Sondaı-aq, jolaýshylarǵa áýe bıletterin qaıta brondaý jáne tolyq qaıtarý usynyldy" dep málimdedi AAK baspasóz qyzmeti.

Sonymen qatar, týrıstik paket sheńberinde ushaq bıletterin satyp alǵan jolaýshylar týroperatorlarǵa habarlasýy qajet.