Azamattyǵyn jaqynda aýystyrǵan reseılik sportshy qazaq tiline qatysty málimdeme jasady
15:30, 03 Shilde 2024
<p>ASTANA. KAZINFORM — Jańa maýsymnan beri Qazaqstan atynan óner kórsetip júrgen burynǵy reseılik mánerlep syrǵanaýshy Sofıa Samodelkına <a href="https://rsport.ria.ru/20240702/samodelkina-1956899577.html" target="_blank" rel="noopener">RIA Novostı</a> agenttigine bergen suhbatynda elimizdiń ánuranyn úırenýge kiriskenin aıtty. </p>
Tórt jáne úsh márte qarǵyp sekirýdi jetik meńgergen 17 jastaǵy Samodelkına mamyr aıynda Reseı mánerlep syrǵanaý federatsııasynan Qazaqstan atynan jarysqa qatysýǵa syrttaı joldama alǵan.
«Men Qazaqstan ánuranynyń mátinin úırenýdi bastadym. Qazaqsha sózderdi durys aıta alatynyma senimdi emespin, biraq barymdy salamyn», — dedi Samodelkına.
Aıta keteıik, buǵan deıin Sofıa 15-18 shilde aralyǵynda Qaraǵandyda ótetin el chempıonatynda qazaqstandyq mánerlep syrǵanaýshy retinde alǵash ret óner kórsetetini belgili bolǵan edi.