Azamattarǵa jańa mindetter belgileıtin normalar 60 kún kúshine enbeıdi

NUR-SULTAN. QazAqparat – Azamattarǵa jańa mindetter men talaptardy belgileıtin normalar kem degende 60 kún kúshine enbeıdi. Bul týraly QR Ádilet vıtse-mınıstri Natalıa Pan aıtty, dep habarlaıdy QazAqparat tilshisi.

«Keń aýqymdy túsindirý jumystaryn júrgizý jáne azamattardy jańa retteýge daıyndaý úshin memlekettik organdardyń normalardy qoldanysqa engizýdi keminde 60 kúnge keıinge qaldyrýdy kózdeý mindeti engizildi», - dedi Ádilet vıtse-mınıstri Ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, bul azamattar zańnyń jańa talaptarymen tanysyp, olardy júzege asyrýǵa daıyn bolýy úshin jasalýda.

«Mysaly, eger óndiriste peshter men qazandyqtardy esepke alýdy belgileý qajettiligi týraly norma engiziletin bolsa, onda mundaı norma bızneske retteýdiń jańa túrine daıyndalýǵa múmkindik bere otyryp, birden jumys istemeıdi», - dedi Natalıa Pan.