Azamattarǵa tegin usynylatyn advokattarǵa bıýdjetten qansha bólinedi

ASTANA. QazAqparat – 2018-2021 jyldary respýblıkalyq bıýdjetten tegin zań kómegin kórsetýge orta eseppen jyl saıyn 1,7 mlrd teńge bólindi. Bul týraly ortalyq kommýnıkatsııalar qyzmetinde ótken brıfıngide Ádilet vıtse-mınıstri Alma Muqanova málimdedi, dep habarlaıdy QazAqparat tilshisi.

«Mınıstrlik memleket kepildik bergen zań kómegin kórsetý týraly kelisim jasasqan advokattar men zań konsýltanttarynyń shyǵystaryn óteıdi. 2018-2021 jyldary respýblıkalyq bıýdjetten tegin zań kómegin kórsetýge orta eseppen jyl saıyn 1,7 mlrd teńge bólindi», - dep málimdedi Alma Muqanova.

Onyń aıtýynsha, memleket kepildik bergen zań kómegi aıasynda advokatqa asa aýyr qylmystardy júrgizgeni úshin – saǵatyna 1,15 AEK (3 657 teńge), aýyr qylmystarǵa – 0,78 AEK (2 480 teńge), ákimshilik jáne azamattyq ister boıynsha – 0,56 AEK (1 780 teńge) tólenedi.

Aıta keteıik, buǵan deıin tegin advokattyq kómek qandaı jaǵdaıda kórsetiletinin jazyp edik.

Budan ózge, eki jyldyń ishinde 22 myńnan asa qazaqstandyqqa advokat elektrondy formatta taǵaıyndalǵan.