Azamattarǵa aqparat bermegen memlekettik organ qyzmetkerleri jaýapqa tartylatyn bolady
Zańnyń maqsaty árkimniń zańmen tyıym salynbaǵan kez kelgen tásilmen aqparatty erkin alý jáne taratý jónindegi konstıtýtsııalyq quqyqǵyn iske asyrý bolyp tabylady. Sonymen qatar zań jobasy Elbasynyń bes ınstıtýtsıonaldyq reformasy aıasyndaǵy «ashyq memleketti qalyptastyrý» atty besinshi baǵytyn júzege asyryp, bul rette «100 naqty qadam» Ult josparynyń 95-shi, 96-shy qadamdaryn qamtýdy kózdeıdi. Bul rette zań arqyly aqparatty aýyzsha da, jazbasha da berý tártibi reglamenttelip, suraý salýlar boıynsha aqparatty berýden bas tartý úshin negizder aıqyndalady. Aqparatqa qol jetkizý quqyǵyn zańsyz shekteýge shaǵym jasaý tártibi de naqtylanady. Aıta keterligi, zań jobasy avtorlarynyń biri Májilis depýtaty Máýlen Áshimbaevtyń aıtýynsha, aqparatty usynýdan bas tartqan nemese qasaqana jalǵan aqparat bergen tulǵalarǵa jaýapkershilik te qaralady. «ıAǵnı, jeke nemese zańdy tulǵa qandaı da bir memlekettik organǵa aqparat alý úshin suraý salsa, al aqparat oǵan berilmese, sonymen birge aqparat bermeýge esh negizder kórsetilmese, ne bolmasa suraý salynǵan aqparat boıynsha jalǵan aqparat berilse, ondaı tulǵa jaýapkershilikke tartylady. Oǵan 30-100 aılyq eseptik kórsetkishke deıin aıyppul qarastyrylyp otyr. Al bundaı áreket bir jyl ishinde qaıtalansa, jaýapkershilik úshin 50-den 200 AEK kózdeledi», - deıdi M.Áshimbaev. Onyń aıtýynsha, atalǵan norma memlekettik qurylymdardy ǵana emes, bıýdjettiń qarajatyn alatyn ári azamattarymyz úshin qajetti aqparattar ıelenetin jeke bıznes sýbektilerin de qamtıdy. Budan bólek, zań aıasynda aqparatqa qol jetkizý tásilderin keńeıtý máseleleri de qamtylǵan. Máselen, QR Parlamenti palatalarynyń birlesken otyrysyn qosa alǵanda, Parlamenttiń jalpy otyrystaryn, oblystardyń, respýblıkalyq mańyzy bar qalalarynyń, astananyń jergilikti ókildi organdarynyń ashyq otyrystaryn onlaın-translıatsııalaý, sonymen qatar jyl qorytyndylary boıynsha ótkiziletin memlekettik organdardyń alqalaryna ınternet-resýrstar arqyly aqparatqa qoljetkizý usynylady.
Budan bólek, Memleket basshysynyń tapsyrmasyna sáıkes, jergilikti atqarýshy organdar basshylarynyń, ákimder men ulttyq ýnıversıtet rektorlarynyń eseptik kezdesýlerin ótkizý mindetteledi. Parlament qabyldaǵan Zań Memleket basshysynyń qol qoıýyna joldanady.