Azamattardyń jeke málimetteri kıbershabýyldan qalaı qorǵalady

NUR-SULTAN. QazAqparat - Qazaqstandyqtardyń derekter qorynyń qaýipsizdigin qamtamasyz etý úshin otandyq vırýsqa qarsy baǵdarlamalar paıdalanylady, dep habarlaıdy QazAqparat.

WDC, ıaǵnı Eńbek resýrstaryn damytý ortalyǵy «qumsalǵysh» dep atalatyn Sandbox sanatyna jatatyn kezekti ónimdi synaqtan ótkizýde. Bul jańa zııandy baǵdarlamalarǵa (vırýstardyń) qarsy baǵyttalǵan aqparattyq qaýipsizdik salasyndaǵy otandyq – tLab ónimi.

tLab-ta eń bastysy – minez-qulyq nemese belsendi tehnologııa, ol kompıýterde belgili vırýsty izdeý emes, paıdalanýshylardyń kompıýterine deıin jańa jáne belgisiz vırýstardy anyqtaýǵa jáne buǵattaýǵa baǵyttalǵan.

Atalmysh otandyq ónim 2019 jylǵy qańtardan bastap 2020 jylǵy aqpanǵa deıin 12 aıdan astam ýaqyt boıy pılottyq synaqtan ótti. Osy aralyqta zııandy baǵdarlamalyq qamtamasyz etýdi paıdalana otyryp, kıbershabýyldy anyqtaýdyń joǵary tıimdiligin kórsetti. Testileý kezeńinde tLab poshta trafıginiń faıldaryn BCC rejıminde Mail Transfer agent arqyly tekserdi.

Qazirgi ýaqytta tLab 513 000 faıldy minez-qulyq deńgeıinde sátti taldady.

Pılottyq testileý barysynda tLab ónimi WDC-nyń ishki IT-ınfraqurylymynda «jelilik qurt» sanatynyń zııandy baǵdarlamasyn anyqtady jáne joıdy.