Azamattardyń turmys sapasyn jaqsartý memlekettik saıasattyń negizgi baǵyty - Prezıdent

NUR-SULTAN. QazAqparat – Ár azamatymyz saıasatta, ekonomıkada jáne áleýmettik salada teń quqyqtarǵa ıe bolýy kerek. Bul týraly Ulttyq qoǵamdyq senim keńesiniń 5-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Bul rette «halyq únine qulaq asatyn memleket» tujyrymdamasy basty ról atqaratyndyǵyn qaıtalap aıtqym keledi. Sonyń arqasynda áleýmettik áriptestik pen janashyrlyq dástúri nyǵaıa túseri sózsiz. Jurtshylyq oń ózgeristerge óz úlesin qosyp jatqanyn sezinýi tıis. Biz jańǵyrýdyń túpki maqsaty ádiletti qoǵam qurý ekendigine árdaıym nazar aýdarýymyz qajet. Ár azamatymyz saıasatta, ekonomıkada jáne áleýmettik salada teń quqyqtarǵa ıe bolýy kerek», - dedi Qazaqstan Prezıdenti.

Memleket basshysy azamattardyń ózekti máselelerin sheshý jáne turmys sapasyn jaqsartý memlekettik saıasattyń negizgi baǵyty ekendigin basa aıtty

«Osyny umytpaǵan jón. Bizge naqty is pen naqty nátıjege jetkizetin ıdeologııa qajet. Osyndaı aıqyn ustanym 21 ǵasyrda básekege qabiletti ult bolyp qalyptasýymyzǵa jol ashady», - dedi Qasym-Jomart Toqaev.