Azamattardyń ótinishi quzyrly organdardy «qydyryp» ketetin júıeni toqtatý kerek - Q.Súleımenov

ASTANA. QazAqparat - Qazaqstanda aryz-shaǵymyn qatarynan "Nur Otan" partııasy janyndaǵy jemqorlyqqa qarsy kúres jónindegi respýblıkalyq keńestiń tóraǵasy Qaıyrbek Súleımenov aryz-shaǵymynyń taqyrybyna 20 uıymnyń ataýyn, on shaqty depýtattardyń atyn tirkeıtin azamattardyń ótinishi sońynda quzyrly organdardyń, odan qalsa, depýtattardy aralap ketetinin ashyq aıtty. Bul oıyn Q.Súleımenov Bas prokýratýra janyndaǵy Zańdylyqty qamtamasyz etý jónindegi qoǵamdyq keńes otyrysynda məlim etti.

"Men myna bir məselege nazar aýdartqym kelip otyr. Azamattardan kóp ótinish túsedi, əsirese, Parlamentke. Sebebi, men "Nur Otan" partııasy janyndaǵy jemqorlyqqa qarsy kúres jónindegi respýblıkalyq keńesti tóraǵalyq etemin. Prezıdenttiń atyna, Prezıdent Əkimshiliginiń jetekshisi atyna, Bas prokýrordyń, Ulttyq Qaýipsizdik komıteti tóraǵasynyń atyna, Joǵarǵy sotqa óte kóp aryz-shaǵym keledi. Bir aryzdyń taqyrybyna 20 uıymnyń ataýy jazylady. Parlament palatalarynyń tóraǵalaryna jəne on shaqty depýtattyń atyna qatar bir aryz keledi. Sosyn sol aryzǵa qatysty ərkim ózinshe əreket etedi. Əsirese, apparaty joq, aryz-shaǵymdy qadaǵalaıtyn júıeli jumysy joq depýtattar jeke əreket ete bastaıdy. Mine, sosyn azamattyń aryzy quzyrly organdar arasynda "qydyryp" ketedi: Prezıdent əkimshiligi Bas prokýratýraǵa jiberedi, Parlamentke túsken aryzdy palata Іshki ister mınıstrligine jiberedi, osylaısha, bir negizi joq aryz-shaǵym ınstantsııalardy aralap ketedi. Sondyqtan azamattardyń ótinish qabyldaý úshin naqty tetik kerek", - deıdi Q.Súleımenov. Bul rette ol aryz-shaǵymnyń jaýaby da kóńil qanaǵattanatyndaı bolmaıtynyn aıtyp otyr. "Osylaısha, aryz jazǵan adam quzyrly organnyń bərinen jaýap alady, biraq jaýapqa qanaǵattanbaıdy, sebebi organdardyń jibergen jaýaby bir-birine qarama-qaıshy bolyp jatady nemese jaýapty bir-birine silteıdi", - dep túsindirdi Q.Súleımenov.