Azamattardyń barlyq zeınetaqy jınaqtary Biryńǵaı jınaqtaýshy zeınetaqy qoryna 1 shildege deıin shoǵyrlanýy tıis - Q.Kelimbetov

ASTANA. 6 aqpan. QazAqparat - Qazaqstan Respýblıkasy Premer-Mınıstriniń orynbasary Qaırat Kelimbetov Elbasynyń osy jyly 23 qańtarda ótken Úkimettiń keńeıtilgen jıynynda aktsııalarynyń 100 paıyzy Ulttyq bankke tıesili Memlekettik jınaqtaýshy zeınetaqy qory bazasynda salymshylardyń jeke zeınetaqylyq shottaryn Biryńǵaı jınaqtaýshy zeınetaqy qory retinde biriktirý týraly tapsyrmasy jóninde tolyq maǵlumat berdi.

Bul týraly QR Premer-Mınıstriniń resmı saıty habarlady.

Biryńǵaı jınaqtaýshy zeınetaqy qorynyń menshik ıesi QR Úkimeti bolady.

Biryńǵaı jınaqtaýshy zeınetaqy qoryn qurý jınaqtaýshy zeınetaqy júıesiniń prıntsıpterine esh áser etpeıdi. Biryńǵaı jınaqtaýshy zeınetaqy qorynda da jeke jınaqtaýshy shottar júıesi saqtalady.

Mindetti zeınetaqy salymdarynyń barlyq túrleri boıynsha olardyń birtutastyǵy boıynsha memlekettik kepildik saqtalady.
Azamattardyń zeınetaqylyq jınaǵyn aýdarý tolyq túrde júzege asyrylady.

Biryńǵaı jınaqtaýshy zeınetaqy qoryn qurý - zeınetaqylyq jınaqtyń memleket menshigine ótýi degen sóz emes, zeınetaqylyq jınaq azamattardyń óz menshiginde bolmaq.

Zeınetaqylyq jınaq Ulttyq bankte saqtalady (Ulttyq Bank bank-kastodıan bolady).

Biryńǵaı jınaqtaýshy zeınetaqy qoryn Ulttyq bank BJZQ basqarý keńesinde bekitilgen ınvestıtsııalyq strategııaǵa sáıkes basqarady. Keńestiń jeke quramyn QR Prezıdenti bekitedi.

BZJQ zeınetaqy aktıvterin ınvestıtsııalaý dıversıfıkatsııa, onyń tabysynyń qajetti deńgeıde bolyp, birtutastyǵyn qamtamasyz etý prıntsıpteri boıynsha júzege asyrylady.

Qazirgi JZQ óz jumystaryn ınvestıtsııalyq portfeldi basqarýshylar (zań boıynsha zeınetaqylyq aktıvterdi basqarý lıtsenzııasyn ınvestıtsııalyq portfeldi basqarý lıtsenzııasyna aýystyrý múmkindigi beriledi) nemese erikti túrdegi jınaqtaýshy zeınetaqy qorlary basqarýshylary retinde jalǵastyra beredi.

Osy is-sharalardy júzege asyrý úshin QR 8 kodeksi men 22 zańyna ózgertýler men tolyqtyrýlar engizilýi tıis, aldaǵy aılarda ol is-sharalar jasalynbaq.

Azamattardyń barlyq zeınetaqylyq jınaqtary Jınaqtaýshy zeınetaqy qoryna 01.07.2013 deıin shoǵyrlanýy tıis.