Azamattardyń bankrottyǵyna qatysty zań jobalary talqylaýǵa shyǵaryldy

NUR-SULTAN. QazAqparat - Memleket basshysynyń tapsyrmasyna oraı ázirlengen Qazaqstan azamattarynyń tólem qabilettiligin qalpyna keltirý jáne bankrottyǵyna qatysty zań jobalary ashyq normatıvtik-quqyqtyq aktilerdiń portalynda 2022 jyldyń 23 aqpanyna deıin ashyq talqylanady. Bul týraly QR Qarjy mınıstrliginiń Memlekettik kirister komıtetinen málim etti, dep habarlaıdy QazAqparat tilshisi.

Vedomstvo málimetinshe, Qarjy mınıstrligimen «Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» QR Zańy jobasy, «Qazaqstan Respýblıkasynyń keıbir zańnamalyq aktilerine Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy máseleleri boıynsha ózgerister men tolyqtyrýlar engizý týraly» QR Zańy jobasy, «Qazaqstan Respýblıkasynyń Ákimshilik quqyq buzýshylyq týraly kodeksine Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy máseleleri boıynsha ózgerister men tolyqtyrýlar engizý týraly» QR Zańy jobasy, «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy máseleleri boıynsha ózgerister men tolyqtyrýlar engizý týraly» QR Zańy jobasy ázirlengen.

Bul jobalar http://legalacts.egov.kz ashyq normatıvtik-quqyqtyq aktilerdiń ınternet-portalyna 2022 jyldyń 2 aqpanynda ornalastyrylǵan.