Azamattar kredıttik esepterin onlaın rejımde ala alady
«Memlekettik kredıttik bıýro» AQ saıtta jeke jáne zańdy tulǵalar úshin kredıttik esepterdi, sondaı-aq Kólik quraldary ıeleriniń azamattyq-quqyqtyq jaýapkershiligin mindetti saqtandyrý (KQI AQJ MS) sanaty boıynsha saqtandyrý esepterin onlaın rejıminde alý múmkindigi jasalǵanyn habarlaıdy. Saıtqa ETsQ kómegimen kirgen jaǵdaıda tsıfrlyq formattaǵy jeke tulǵalarǵa arnalǵan derbes kredıttik esepter men saqtandyrý esepterin kez kelgen elektrondyq qurylǵydan tegin alýǵa bolady», - delingen bıýro aqparatynda.
Kredıttik esep sońǵy aqparatty (qaryz alýshynyń ózi týraly derekter men árbir kredıt boıynsha tolyq aqparat – kredıttiń jalpy somasy, nesıe beresheginiń qaldyǵy, kredıttiń maqsaty, kredıt týraly málimetter bergen qarjy uıymyn kórsete otyryp, kredıt boıynsha kepil týraly aqparat) alǵan kúni 5 jyldan kem bolatyn qaryz alýshynyń mindettemeleri týraly Kredıttik tarıhtyń derekqorynan alynǵan aqparatty qamtıdy.
Saqtandyrý esepteri tulǵany saqtandyrý tarıhy (saqtandyrý uıymdarynyń ataýyn, polıstiń qoldanylý kezeńin, sondaı-aq saqtandyrý jaǵdaılaryn, saqtandyrý synyptaryn qosa alǵanda, jasalǵan KQI AQJ MS saqtandyrý polısteri) boıynsha Biryńǵaı saqtandyrý derekqorynan alynǵan aqparatty qamtıdy.
Zańdy tulǵalar úshin korporatıvtik kredıttik esepter kúntizbelik bir jyl ishinde bir ret tegin qoljetimdi. Qaıta jáne odan keıingi suratýlar kezinde 400 teńge mólsherinde (QQS qosqanda) tólem alynady.