Azamattar qańtar oqıǵasy kezinde joǵalǵan 120 qarýdy ózderi ákelip tapsyrǵan

NUR-SULTAN. QazAqparat – Azamattar qańtar oqıǵasy kezinde urlandy delingen 120 qarýdy óz erkimen tapsyrǵan. Bul týraly QR Іshki ister mınıstrligi tergeý departamentiniń bastyǵy Sanjar Ádilov ortalyq kommýnıkatsııalar qyzmetinde ótken brıfıngide málim etti, dep habarlaıdy QazAqparat tilshisi.

«Qylmystyq elementter zańsyz aınalymǵa túsken qarýdy kez kelgen sátte beıbit azamattarǵa qarsy paıdalana alady. Osyǵan baılanysty qarýdy óz erkimen tapsyrý jáne kúdikti adamdar, atys jáne sýyq qarýdy zańsyz saqtaý jáne satý týraly qandaı da bir aqparatty usyný qajettiligi týraly túsindirý jumystary jalǵasyp jatyr. Búgingi tańda azamattar óz erkimen 120 qarý tapsyrdy. Bul rette olardyń eshqaısysy qandaı da bir jaýapkershilikke tartylǵan joq», -dedi Sanjar Ádilov.

Sondaı-aq, ol qazirgi ýaqytta ishki ister organdary tergeýshileriniń óndirisinde 2 961 qylmystyq is bar ekenin eske saldy.

«Olar boıynsha tótenshe jaǵdaı kezeńinde aýyr jáne asa aýyr qylmys jasaǵan 176 kúdikti kúzetpen qamalǵan. Bul rette buryn kúzetpen ustalǵan 245 adam jasalǵan qylmystyń aýyrlyǵyn jáne jeke basynyń minezdemesin eskere otyryp, qamaýdan bosatyldy.

Bul - buryn sottalmaǵan jáne óz erkimen kelgen zalaldyń ornyn toltyrǵan azamattar.

Olar eshqaıda ketpeý týraly qolhat jazyp berdi, kepil, úıqamaq jáne jeke kepilgerlik sharalar qoldanyldy.

Jalpy, kúdikti adamdardyń kópshiligine qatysty kúzetpen ustaý túrinde bultartpaý sharasy tańdalǵan joq», - dedi ІІM ókili.