Azamattar endi sottarǵa elektrondy formatta júgine alady - U. Súleımenova
Bul týraly búgin Almaty oblysynyń Talǵar qalasy mańynda ornalasqan Búkilálemdik boks akademııasy ǵımaratynda «Protsessýaldyq zańnamany jańǵyrtý - sot tóreligi men quqyq qorǵaý qyzmeti tıimdiliginiń kepili» taqyrybynda ótip jatqan Halyqaralyq konferentsııa barysynda QR Joǵarǵy sotynyń sýdıasy Ulbolsyn Súleımenova málim etti.
«Azamattar budan bylaı sotqa tek qana hat júzinde emes, elektrondy formatta da júgine alady. Qazir elimizde bul júıeniń barlyq deńgeıde tanystyrylymy ótip jatyr. Elektrondy sot tóreligi júıesin damytý myqtap qolǵa alyndy. Qazir sottyń habarlamalary talap aryz berýshi men jaýap berýshige elektrondy formatta jetkiziledi. Buryndary taraptardyń biri: «Maǵan habarlama kelgen joq», - dep, sotqa kelmeı qalatyn. Qazir olaı emes. Qazir taraptarǵa arnaıy elektrondy sot kabınetine ený úshin elektrondy kilt beriledi. Sonyń arqasynda taraptar sot úderisin tolyǵymen baqylaı alady», - dedi jańa Azamattyq is júrgizý kodeksin ázirleýshilerdiń biri, QR Joǵarǵy sotynyń sýdıasy Ulbolsyn Súleımenova.
Aıta ketelik, konferentsııa jumysy úsh sessııa aıasynda ótip jatyr.
Birinshi sessııada ınvestıtsııalyq daýlar boıynsha sot isterin júrgizý erekshelikteri, ınvestorlardyń qatysýymen daýlardy qaraý máseleleri talqylandy. Qazir ekinshi sessııada elektrondy sot tóreliginiń qazirgi jáne keleshektegi damý úrdisteri, sot tóreligine qol jetkizý quqyǵyn qamtamasyz etý, sot isin júrgizýdiń ashyqtyǵy sekildi máseleler qaralyp jatyr. Al úshinshi sessııa sheńberinde Azmattyq protsessýaldyq kodeksti iske asyrý turǵysyndaǵy azamattyq protsestiń qaǵıdattary, shet elderdegi sot aktilerin qaraý tájirıbesi jáne basqa da ózekti máseleler saralanady.
Konferentsııa jumysy erteń de jalǵasady.