Azamattar «Áleýmettik ámııan» elektrondyq servısi arqyly tegin dári-dármek ala bastady

<p>ASTANA. KAZINFORM - Búgin Astana qalasynyń eki emhanasynda patsıentterge QR-kod arqyly &laquo;Áleýmettik ámııan&raquo; bóliminde ( eGov Mobile qosymshasy) tegin dárilik zattardy berý mehanızmi kórsetildi.</p>

«Áleýmettik ámııan» arqyly dári-dármekterdi elektrondyq túrde berý jónindegi pılottyq jobaǵa el boıynsha 700-den astam medıtsınalyq uıym qatysady, 93 myń retsept negizinde preparattar berilgen.

№4 qalalyq emhanada on jyldan beri dıspanserlik esepte «Qant dıabeti»dıagnozy qoıylǵan patsıent tek jeke QR kodyn (vaýcher) kórsetip, dári-dármekterin meıirgerden tikeleı aldy.

Osylaısha, endi azamatqa qaǵaz retsept alý úshin dárigerge jazylýǵa ýaqyt jumsaýdyń qajeti joq, meıirger kezeksiz qajetti preparatty óz betinshe bere alady.

Egde jastaǵy turǵyndar nemese «Áleýmettik ámııan» memlekettik servısiniń qyzmetterin paıdalana almaıtyn basqa adamdar úshin emhanaǵa barǵan kezde Face-ID jáne veb-kameralardyń kómegimen sáıkestendirýden ótý jetkilikti, sodan keıin patsıenttiń qolyna tıisti dárilik zattar beriledi.

Jyl sońyna deıin bul joba tegin ambýlatorııalyq dárilik qamtamasyz etý sheńberinde preparattar alatyn 1,7 mln adamdy qamtı otyryp, búkil respýblıka boıynsha keńeıtiletin bolady.

«Áleýmettik ámııandy» paıdalaný azamattardy dárilik zattarmen qamtamasyz etý, zańsyz aınalymdy boldyrmaý, burmalaý jáne basqa da buzýshylyqtar salasynda qoljetimdilik pen tolyq ashyqtyq úshin jaǵdaı jasaıdy.

«Áleýmettik ámııan» qyzmetin paıdalaný úshin App Store jáne Play Market dúkenderinde qoljetimdi eGov Mobile qosymshasyn júktep alý qajet.

Azamat dárilik zattardy alý úshin eGov Mobile qosymshasynda tirkeýden ótýi nemese tirkeý buryn júrgizilgen bolsa, sáıkestendirýden ótýi tıis. Ári qaraı, azamat basty bette «Áleýmettik ámııan»bólimine kirip, «Dári-dármekpen qamtamasyz etý» jolyn tańdaıdy.