Azamat Musaǵalıev qazaq tiline qatysty ázilin qandaı nıetpen túsirgenin túsindirdi

ASTANA. QazAqparat - Tanymal «KVN» oıynshysy, reseılik Azamat Musaǵalıev TNT arnasynda kórsetilgen qazaq tiline qatysty ázildi túsirý kezinde esh kemsitý nıeti bolmaǵandyǵyn habarlady. Bul týraly ol Instagramdaǵy jeke paraqshasynda jazdy.

«Qurmetti dostar! Baýyrlar! Qazaq aǵaıyndar! Bul ázildi túsirgende qazaq tilin kemsitý nemese mazaq etý oıda da bolmaǵan. Ázil keıbir qazaq tilin túsinbeıtin qazaqtar jaıynda, al ondaılar, ókinishke qaraı, bar. ıAǵnı, sol personajdyń rólin somdadym. Sizder meni túsinedi degen nıetpen jazyp otyrǵan jaıym bar. Shyn mánisinde maǵan bári bir bolsa, mán bermeı, barlyǵyn óshirip tastap júre beretin edim. Sondyqtan, túsinistikpen qaraýlaryńyzdy suraımyn! Іzgi nıetpen, Reseıde júrse de, júregi qazaq dep soǵatyn Azamat Musaǵalıev!» - dep jazylǵan habarlamada.

Eske salaıyq, Azamat Musaǵalıev taǵy bir qazaq ázilkeshi Nurlan Sabýrovpen birge shaǵyn rolık túsirgen edi. Olardyń bul ázilin qazaqstandyqtar synǵa alyp, áleýmettik jelilerde renishterin bildirgen bolatyn.