Azamat Dəýletbekov erkin kúresten Zagreb Open týrnıriniń fınalyna shyqty

<p>Erkin kúresten ulttyq qurama kóshbasshysy Azamat Dəýletbekov (86 keli) Horvatııa astanasy Zagreb qalasynda ótip jatqan Zagreb Open reıtıngtik týrnıriniń fınalyna shyqty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qazaqstandyq balýan alǵashqy beldeýinde úndistandyq Dıpak Pýnııany 6:2 esebimen qapy qaldyrdy.

Qarsylasy 2019 jylǵy əlem chempıonatynyń kúmis júldegeri atanǵan tájirıbeli balýan edi.

Odan keıin Azamat ýkraındyq Valentın Babıı men grýzııalyq Evsem Shvelıdzeni tize búktirip, afınalǵa joldama aldy.

Aldaǵy qarsylasy — bolgarııalyq Magomed Ramazanov. Fınaldyq beldesý búgin, 11 qańtar kúni bolady.

Azamat byltyr Serbııa astanasy Belgradta ótken əlem chempıonatynda qola júldege ıe bolyp, Parıj Olımpıadasynyń joldamasyna qol jetkizdi.

Reıtıngtik bəsekede elimizdiń atynan Irına Kazıýlına (65 keli), Elena Shalygına (68 keli) men Elmıra Syzdyqova (76 keli) kúsh synasady.

Sondaı-aq bıyl 6-9 maýsym kúnderi Vengrııanyń Býdapesht qalasynda kezekti reıtıngilik týrnır uıymdastyrylady.

11-16 sáýir aralyǵynda balýandar Qyrǵyz eliniń astanasy Bishkekte ótetin jyl saıynǵy Azııa birinshiliginde de reıtıngilik upaılar úshin kúresedi.