ASTANA. KAZINFORM — Qazaqstandyq Azamat Dáýletbekov (92 keli) erkin kúresten Azııa chempıonatynyń qola júldegeri atandy.
Qazaqstandyq balýan Iordanııa astanasy Amman qalasynda ótken qurlyqtyq dodada 3-oryn úshin beldesýde ózbekstandyq Sherzod Poıonovty 2:1 esebimen jeńdi.
Azamat óz mansabynda Azııa chempıonatynda altynshy márte medal alyp otyr. Ol osyǵan deıin 86 kelige deıingi salmaqta 3 altyn, 1 kúmis, 1 qola enshilegen edi.
Aıta ketsek, el quramasynan búgin Nurqoja Qaıpanov (74 keli) Azııa chempıony atandy.
Sondaı-aq taǵy bir otandasymyz Bolat Saqaev 86 keli) kúmis medal aldy.
Olardan bólek el quramasynan búgin Muhamed Balǵabaı (61 keli), Nursultan Sadyq (65 keli), Nursultan Azov (125 keli) saıysqa tústi.
Eske salsaq, erkin kúresten 29 tamyzda Rızabek Aıtmuhan (97 keli) kúmis júldeger atansa, Rahat Qaljan (57 keli) qola medalǵa qol sozdy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.