Azamat Dáýletbekov Azııa chempıony atandy
17:45, 24 Sáýir 2022
NUR-SULTAN. QazAqparat - Azamat Dáýletbekov Ulan-Batyrda erkin kúresten Azııa chempıony atandy, dep habarlaıdy QazAqparat tilshisi.
Shyǵysqazaqstandyq Azamat Dáýletbekov 86 kelige deıingi salmaqta fınalda úndistandyq Dıpak Pýnııamen kilemge shyqty.
D. Pýnııa - álem, Azııa birinshilikterinde áldeneshe ret oljaly bolǵan azýly balýan.
Soǵan qaramastan, Azamat qarsylasyna esh múmkindik bermeı, 6:1 esebimen tize búktirdi.
Bul - erkin kúresten Qazaqstan quramasynyń osy chempıonattaǵy alǵashqy altyny.
Eske sala keteıik, budan buryn Nurqoja Qaıpanovtyń Azııa chempıonatynyń kúmis júldegeri atanǵanyn jazǵan bolatynbyz.