Azamat Ámrın salyqtar men tólemder sanyn 20 paıyzǵa qysqartý joldaryn atady

<p>ASTANA. KAZINFORM &ndash; Biryńǵaı jer salyǵy jeke tabys salyǵyna aýystyrylmaq. Bul týraly búgin Májiliste jańa Salyq kodeksiniń jobasyn tanystyrǵan Ulttyq ekonomıka vıtse-mınıstri Azamat Ámrın aıtty.</p>

«Aıtarlyqtaı fıskaldyq qaıtarymy joq tólemder alynyp tastalady, keıbireýleri biriktiriledi. Bizde tek 12 salyq bar. Olar halyqaralyq tájirıbege sáıkes keledi. Sharýa jáne fermer qojalyqtarynan alynatyn biryńǵaı jer salyǵy ǵana tabys salyǵymen mándes. Sondyqtan biryńǵaı jer salyǵyn jeke tabys salyǵyna aýystyrý usynylady. Sharýalar men fermerler úshin jeńildikti rejımniń ózi saqtalady. Tek tólem kodynyń ataýy ózgeredi. 11 tólemnen úsheýin alyp tastaý usynylady. Bul – tabıǵı erekshe aımaqty paıdalanǵany úshin, syrtqy jarnamany ornalastyrǵany úshin jáne jekelegen qyzmet túrlerimen aınalysqany úshin lıtsenzııalardy paıdalanǵany úshin tólemder», - dedi vıtse-mınıstr.

Onyń dereginshe, 3 tólemdi biriktirý usynylady. Olar jer ústi kózderiniń sý resýrstaryn paıdalanǵany úshin, ormandy paıdalanǵany úshin jáne janýarlar dúnıesin paıdalanǵany úshin tólemder. ıAǵnı, osylar biriktirilip, tabıǵı resýrstardy paıdalaný úshin tólem bolady.

«Jalpy, tólem mólsherlemeler sany 77-ge qysqarady. Alymdardyń 6 túrin qysqartý usynylady. Olar boıynsha mólsherlemelerdiń 34 túri alynyp tastalady. Sondaı-aq memlekettik bajdardyń 5 túri alynyp tastalady, olar boıynsha mólsherlemeler 51-ge qysqartylady. Bul salyqtar men tólemder sanyn 20 paıyzdan astamǵa qysqartý mindetin oryndaýǵa múmkindik beredi», - dedi Azamat Ámrın.