Az qamtylǵan mańǵystaýlyq 1 myń otbasyda jyl sońyna deıin óz bıznesi bolady

MAŃǴYSTAÝ. QazAqparat - Mańǵystaý oblysynda qolǵa alynǵan «Bıznes 3 kúnde» atty jobasy aıasynda búginde 100 otbasy óz kásibin dóńgeletip otyr, dep habarlaıdy QazAqparat tilshisi.

«Mańǵystaý óńirinde «Bıznes 3 kúnde» atty joba júrip jatqanyn bilesizder. Bul baǵdarlamanyń basty nysany - áleýmettik jaǵdaıy tómen, kópbalaly otbasylar jáne múmkindigi shekteýli bala tárbıelep otyrǵan januıalar. Qysqa ýaqytta baǵdarlamaǵa 100 otbasy qatysyp, óz bıznesterin ashty. Qazir kúndelikti tabysyn taýyp otyr. Jyl sońyna deıin myń januıany qamtý josparymyzda tur», - dep jazdy Mańǵystaý oblysynyń ákimi Eraly Toǵjanov Feısbýktegi óz paraqshasynda.

Eske sala ketsek, ústimizdegi jyldyń 27 aqpanynda ótken «Nur Otan» partııasynyń HVІІІ sezinde Elbasy Nursultan Nazarbaev kópbalaly jáne az qamtylǵan otbasylardyń áleýmettik jaǵdaıyn jaqsartý jóninde sharalar qarastyrýdy júktegen bolatyn.

Áleýmettik bastamalardyń biri - tolyq emes kópbalaly otbasylarǵa úıden jumys isteý múmkindigin týǵyzý.

«Tolyq emes kópbalaly otbasylarǵa úıden jumys isteýge múmkinshilik jasaý qajet. Al aýyldaǵy kópbalaly otbasylarǵa jekelegen granttar, kvotalar jáne shaǵyn nesıeler bólý qajet. Osy baǵytta jumys isteý kerek. Úkimet pen ákimder bul qyzmetti «Nur Otan» jáne «Atamekenmen» birge júzege asyrýy tıis», - dedi Elbasy partııa sezinde.