Az qamtylǵan elorda turǵyndary avtobýsta tegin júrýi úshin 3 mlrd teńge bólinedi

NUR-SULTAN. QazAqparat – Elordada áleýmettik jaǵynan az qamtylǵan tulǵalar qoǵamdyq kólikte tegin júrýi úshin 3 mlrd teńge bólinedi. Bul týraly Nur-Sultan qalalyq Jumyspen qamtý jáne áleýmettik qorǵaý basqarmasy basshysynyń mindetin atqarýshy Ilıa Skýb aıtty, dep habarlaıdy QazAqparat tilshisi.

«STC áleýmettik jaǵynan az qamtylǵan azamattarǵa qoǵamdyq kólikte júrýge arnalǵan kartalar beredi. Olar valıdatsııa jasaý esebinen qoǵamdyq kólik baǵdarlarynda qatynaıtyn bolady. Mundaı kartany zeınetkerler, kópbalaly otbasylar tegin alady. Ataýly karta STC kompanııasynan beriledi», - dedi ol elorda máslıhatynyń áleýmettik-mádenı damý máseleleri jónindegi turaqty komıssııasynyń otyrysynda.

Onyń atap ótýinshe, STC kompanııasy da is júzinde ákimdikke atalǵan sanatqa kiretin adamdardyń qoǵamdyq kólikte tegin júrgenin kórsetetin 3 mlrd teńgeniń valıdatsııasyn usynady.

«Olar muny tizimmen naqtylap otyrady», - dedi Ilıa Skýb.