«Az ı ıA» kitaby qyrǵyz tilinde jaryq kórdi
Búgin Bishkek qalasynda kitaptyń tusaýkeseri ótti.
Basylymnyń alǵysózinde Oljas Súleımenov: «Az ı ıA» alǵash ret qyrǵyz tilinde shyǵarylyp otyr. Bul kitap álemniń kóptegen tilderine aýdarylmaq boldy. Biraq aýdarmalary durys shyqpaı, tek qysqa túsindirmeler men basym deni saıası mándegi kóptegen pikirler berildi.
Kitap orys tilin biletin, kóne orys eskertkishi mátinin túsine biletin oqyrmanǵa arnalǵan. Sondyqtan ol ýkraın, belarýs, ázerbaıjan jáne burynǵy KSRO basqa tilderine durys aýdaryla aldy. Endi bul týyndy aǵaıyn qyrǵyz tilinde jaryq kórdi», - dep jazdy.
Kitap Qazaqstannyń Qyrǵyzstandaǵy Elshiliginiń qoldaýymen basyp shyǵarylǵan. Onyń aýdarmashysy - kóp jyldar boıy Qyrǵyz keńestik entsıklopedııasynyń ǵylymı redaktory bolyp jumys istegen, 200-den astam ǵylymı jáne ǵylymı-kópshilik maqalalardyń avtory Izılıa Rahymova.
Basylymnyń shyǵarýshy redaktory - túrkitanýshy, epıgrafshy, fılologııa ǵylymdarynyń kandıdaty Chetın Jumaǵulov, retsenzııa jazǵan - Túrki akademııasynyń akademıgi, doktor, professor Qadyráli Qonqobaev.
Baspagerler kitaptyń taǵy bir tilde basyp shyǵarylýy kóp oqyrmannyń qyzyǵýshylyǵyn týdyryp, mádenıettiń beımálim tustaryn asha túsetinine senimdi. «Az ı ıA» kitabynyń qyrǵyz tilindegi nusqasy eldegi barlyq mektepter men JOO-larǵa, sondaı-aq shalǵaıdaǵy aýdandarǵa jetkizilmek.
Bastapqy tıraj - 1000 dana. Kitap Nursultan Nazarbaevtyń «Qoǵamdyq sanany jańǵyrtý» jáne «Uly dalanyń jeti qyry» baǵdarlamalyq maqalalarynyń aıasynda jaryq kórgen. Sondaı-aq basylymnyń qyrǵyz jazýshysy Shyńǵys Aıtmatovtyń 90 jyldyǵy qarsańynda tanystyrylyp otyrǵany - este qalarlyq oqıǵa. Oljas Súleımenov Aıtmatovtyń shyǵarmashylyǵyn joǵary baǵalap, onyń «Borandy beket» atty týyndysyn ǵasyr romany dep ataǵan.